Di salvegera 10’emîn de em Şoreşa Azadîyê a 19ê Tîrmehê Dİ serî de li Rêber APO, li şehîdên xwe, li gelên xwe yên herêmê, li şervanê xwe û li tevahî mirovahîyê pîroz dikin. Şoreşa Azadîyê a Rojava li ser hîmên paradigmaya Rêber APO û bi kedên bi hezaran şehîdan û dildarên wê 10 salê xwe bi gelek dersên dîrok dihewîne temam kir. Ti şoreşan de nehat dîtin ku wek şoreşa Rojava di 10 salên xwe yên destpêkê de ewqas bi zor û zehmetîyê ra rûbirû bimîne. Ji ber vê yekê şoreşa me ji vê hêlê de mînakeke yekane ye. Her çi qas kêm û kurtasîyên xwe di pratîkê de hebin jî li hember her cûre êrîşên dijber ra li ber xwe da û paradîgmaya azadîyê di her qadê de jîyanî kir.

Artêşa Tirk a dagirker êrişên xwe yên li ser heremên me zêdetir kiriye. Êrişên topbaranê her roj berdewam dikin. Dîsa êrişên bi balafirên bêmirov tên lidar xistin. Herî dawî di roja 16’ê Îlonê de li Eyn Îsa artêşa Tirk a dagirker êrişek bi balafirên bêmirov lidar xistibû. Di encama vê êrişê de rêhevalên me, fermandarên hêja Rojhat Karakoçan û Doxan Amanos şehîd ketibûn. Ji bo bersivdayina van êrişan û ji bo tolhildana Şehîd Rojhat û Şehîd Doxan, di rojên 16, 18, 20 û 21’e Îlonê de, li heremên dagirkirî 5 çalakiyên tolhildanê hatin lidar xistin.

Bi zêdebûna êrişên dewleta Tirk a dagirker li hember heremên me, şaneyên DAIŞê jî ketin nav liv û tevgerê. Êrişên ku ji aliyê dewleta Tirk a dagirker tên kirin, ji bo bermahiyên DAIŞê dibin firsenda ji nû ve xwe rêxistinkirinê û di hinek deveran de hewldanên çalakiyan dikin.

Li roja Yekşemê, bajarê Stembol bû şahidê bûyera teqîneke terorîstî li cadeya Îstîklalê û di encam de welatiyên sivîl bûn qurbanî. Di heman demê de û bi awayekî lez partiyên AKP`ê û MHP`ê hêzên me sûcdar kirin û senaryoyeke nerealîst hûnandin da ku îdîayên xwe yên derewîn îspat bikin. Em temamî red dikin wan îdîayan derewîn û ti pêwendî û têkiliyên me bi berpirsê êrişa terorîstî ya bi navê Ehlam El-Beşîr re tune ye. Hemû cîhan dizane ku rêbaza hêzên me têkoşîn û parastina mafên gel û şerê li dijî terorê ye û her operasyonên ku sivîlan dikin hedef şermezar dike.

Di pêngava duyemîn a Xezeba Firatê de 2 hezar û 480 km2 hat rizgarkirin

Weke tê zanîn ku roja 14'ê Çileyê 11'emîn salvegera şehadeta damezrînerê Yekîneyên Parastina Gel YPG`ê û avakerê sîstema parastin û çanda xweparastinê li herêmên Bakur û Rojhilatê Sûriyê; Şehîd Xebat Dêrik e. Di serî de em şehîd Xebat û hevrêyên wî yên leheng bi bîr tînin û soza berdewamkirina rêya wan heta bigihêjin armancên ku ji bo wê gihîştine asta şehadetê, nû dikin.

Em salvegera dîrokî ya 8. a rizgarkirina bajarê Kobanê pêşwazî dikin. Em vê rojê li tevahî lehengên ku bê teredut, bi ruhek fedaî û bi berpirsyariyek netewî sînge sîng li dijî çeteyên terorîst ên DAIŞ’ê şer kirin û gihan asta şehadetê pîroz dikin. Her wiha em li Rêber APO, li gelê Kobanê, tevahî gelê Kurdistanî û li cîhanê, vê serkeftina dîrokî pîroz dikin.

Em salvegera şehadeta Fermandarê cengên giran, rêheval Karker Êrîş ku di 18’ê Adara 2018’an de tevlê karwanên nemiran bûbû, pêşwazî dikin. Fermandar Karker yek ji pêşengên Şoreşa Rojava û fermandarê Berxwedana Serdemê ya bajarê Efrînê bû. Bi boneya şehadeta fermandar Karker, em tevahî şehîdên şoreşê bi rêzdarî bibîr tînin û soza xwe ya şopandina rêya wan nû dikin.

Li ser şoreşa 19ê Tîrmehê 8 sal derbas bûn. Di salvegera 8’emîn ya şoreşê de rexmê hemû êrîşên dagirkeriyê şoreşa Rojava ji bo hemû gelên cîhanê hêviyek mezin avakir. Jiyanî kirina paradigmaya demokratîk, ekolojîk û azadiya zayendî gav bi gav bi xwîna şehîdên leheng tê hûnandin.

Em di serî de salvegera 11emîn a şehadeta pêşeng û fermandarê me şehîd Xebat Dêrik bi rêz û bi minetdarî bi bîr tînin. Ji destpêka mirovahiyê heta roja me ya îro di her avakirina welatekî ango destpêkirina şoreşekê de di nav wî gelî de mirovên xwedî cesaret, bi zane û xwedî taybetmendiyên pêşengê pê re ne, derdikevin. Ji bo şoreşa Rojava û Bakur û Rojhilatê Sûriyê jî mirovên heman xwedî van taybetmendiyan e derketin li ser dikê û çarenûsa gelê xwe guhertin. Yek ji wan pêşenga şoreşa me Şehîd Xebat Dêrik e.