QSD′ê encama 24 saetên dawî yên şerê Efrînê yê di navbera QSD′ê û Artêşa Tirk a dagirker de ragihand.

Navenda Ragihandina QSD′ê bîlançoya şer bi daxuyaniyekê ragihand.

Daxuyanî wiha ye:

″Tevî biryara Konseya Ewlekariyê ya navneteweyî, dewleta Tirk a dagirker êrîşên li dijî herêma Efrînê didomîne û biraya konseyê binpê dike. Li hember van êrîşan hêzên me neçar dimînin ku bersiv bidin û gelê Efrînê biparêzin.

Şera

Li eniya Şera hêzên me maşneke leşkerî ya Artêşa Tirk a dagirker li derdora gundê Çema şopand û hedef girt. Di encamê de erebe bi temamî hat rûxandin.

Artêşa Tirk a dagirker û çeteyên DAIŞ û El-Nusra gundên vê eniyê didomîne. Bi vê yekê re hemwext, balafirên Tirk gundên Êzidiyan ên Sînka, Baflûn, Meydankê û navenda navçeyê bomebaran dike.

Cindirêsê

Dagirkeriya Tirk bi çekên giran û balafiran êrîşî navçeyê dike û rasterast sivîlan hedef digire. Di encamê de duh li gundê Kefer Sefrê şehîd û birîndarên sivîl çêbûn.

Di rojên dawî de balafirên Tirk bênavber navenda herêma Cindirêsê û gundê Miskê Foqanî bombebaran dike. Hat zanîn ku li vê eniyê şehîd û birîndarên sivîl (di nav de zarok û jin) hene.

Raco

Balafirên Tirk gundên eniya Raco bênavber bombebaran dikin. Li aliyekî din jî bi çekên giran êrîşî herêmê dikin.

Li gundê Meydan Ekbesê jî Artêşa Tirk a dagirker malên sivîlan şewitandin.

Îro di saetên sibehê de jî Artêşa dagirker û çeteyên wê bi dijwarî êrîşî gundê Berbenê krin û sivîl hedef digirtin. Hat zanîn ku bi dehan sivîl birîndar bûn û ji bo dermankirin nexweşxaneya Avirîn.

Bilbilê

Artêşa dagirker û çeteyên wê eniya Bilbilê bi çekên giran topbaran dikin û ji şevê din ve balafirên Tirk bênavber navçeyê bombebaran dikin.

Mabata

Îro ji saetên sibehê de Artêşa Tirk a dagirker û çeteyên wê gundên Mîrkan, Şîtka û Birîmca yên eniya Mabatayê bi çekên giran topbaran dikin.″