Li Hesekê şaneyek MİTê hat bêbandor kirin

  • Navenda Ragihandin û Çapemeniya YPG | 17 Mijdar 2021 | Daxuyanî

Ji çapemenî û raya giştî re

Dewleta Tirk a dagirker her roj êrişên xwe yên li hember Bakur û Rojhilatê Sûriyê û Rojavayê Kurdistanê zêdetir dike û ji bo ev êrişên xwe rewa bide nîşandan her cûre polîtîkayên qirej dimeşîne. Di çarçoveya wan polîtîkayan de ji bo êrişên xwe yên dagirkeriyê zêdetir bike xebatên istîxbarî daye meşandin. Li mehên Cotmeh û Mijdarê, piştê demek şopandinê ji aliyê Tîmên Operasyonên Taybet ve li Hesekê operasyonek li hember şaneyek ku xebatên istixbaratê didan meşandin, hat lidar xistin. Di vê operasyonê de kesên bi nave Ehmed Elî El Ehmed, Ebdulrehman Muhammed Şehab û Mortada Ebdul Setar Derwîş ku ji bo MÎTa dewleta Tirk dişûxilîn, hatin girtin. Ev her 3 kes ji aliyê Dadgeha Leşkerî ve hatin dadgehkirin û ji xwe mikûrhatin ku bi talîmata MİTê ve, di herêmê de amadekariyên êrişan kirine.

 

Navenda Ragihandin û Çapemeniya YPG | 17 Mijdar 2021