Li Kantona Efrîn'ê damezrênerê Yekîneyên Parastina Gel (YPG) Fermandar Xebat Dêrik di 5’mîn salvegera şehadeta xwe de bi merasimekî leşkerî hate bi bîranin. Piştî torena leşkerî civîn ji aliyê endamê Fermandariya Giştî ya YPG li Efrînê Mehmûd Berxwedan hat çêkirin. Berxwedan got ku “Heval Xebat li Rojavayê Kurdistanê bû sembola berxwedanê, ev 5 sal in YPG û YPJ li seranserê Rojava bûne xencerek di dilê hemû neyaran de.”

Şervanên YPG û YPJ weke şagirtên rêheval Xebat soz dan ku hêza parastina ku bi bingehekî baş hatiye avakirin bi rihê fedakarî û cesareta şehîd Xebat û hemû şehidên Şoreşa Rojava berdewam bikin.

Navenda Ragihandina YPG - Efrîn | 14 Çile 2017