Endamê YPG’ê bi navê  Mihemed Qamişlo li sinaya bajarê Qamişlo bi hostatî ji hesin û bermîlan berhemên renga reng diafirîne yên weke (kursî,kenebe,mase) û her wekî din alavên ku di jiyanê de bi kar tê.

Mihemed, anî ziman ku di demê xwe yên vala de van berheman pêşdixe û li kêleka wê jî karê tamîrkirina wesayitan jî dike.

Mihemed da zanîn ku bi heskirinek mezin vî karê xwe dike û wiha domand:” Tiştekî xweşe ku em van berheman di jiyanê de bi kar bînin û cih û warên xwe estetîk bikin, alavên ku zêde dimînin jî nayên avêtin û em sûd jê digrin.”

Mihemed ji bo tevlîbûna xwe di nav refên YPG wiha dibêje:” Ez endamê YPG’ê me lê tenê karê me li eniyên şer nîne, li kêleka şerê me jî em dixwazin aliyê huner jî pêşbixin û weke şervanekî YPG’ê çi li ser milê me bê xwestin jî, em amade ne.”

Navenda Ragihandina YPG | 8 Sibat 2018