Ji gelê me û rayagiştî re

Rêhevalê me Merwan Derbendîxan sala 1999’an li mintiqeya Derbendîxanê a bi ser Silêmanî ye hatî dinê. Weke her Kurdekî ji bo berpirsyarîyên xwe yê li hember gelê xwe pêk bînê sala 2017’an tevlî nav refên hêzên me bû. Rêheval Merwan jî wek her şervanekî/a me û weke her mirovekî bi ax û gelê xwe ra girêdayî, barê şoreşê girt li ser milên xwe û bû têkoşerek û rêwîyekî têkoşîna azadîyê. Li herêma Efrîn û herî dawî li Helebê xebatên pratîkî meşand. Berxwedana Serdemê a Efrînê de çalak tevlî bû, ji bo nirxên şoreşa mirovahîyê û parastina axê de xwîn rijand, birîndar bû lê dîsa di demek kurt de tevlî xebatan bû. Rêheval Merwan dema li Helebê li ser erkê bû, di tarîxa 16’ê Çileya 2021’an de di encama qezayekî bêşansîyê de şehîd bû û tevlî nav karwanên nemiran bû. Keda wî ya çar salan a di nav şoreşê nirxeke mezin e ji bo azadîya gelên me.

Em ê keda her şehîdekî me ên şoreşa me kirin şoreşa mirovahîyê ji bîr nekin û hertim li ser şopa wan bimeşin. Em li ser navê Yekîneyên Parastina Gel ji malbata şehîd Merwan û gelê meyê Başûr û Kurdistanîyan ra sersaxîyê dixwazin.

Nasnameya pakrewanê me wiha ye:

Nasnav: Merwan Derbendîxan

Nav û Paşnav: Alan Cemal

Navê Dayikê: Şeyhan

Navê Bav: Cemal

Cihê ji Dayikbûnê: Silêmanî

Cih û Dîroka Şehadetê: Heleb / 16’ê Çileya 2021’an

Navenda Ragihandin û Çapemeniya YPG | 14’ê Îlona 2022’yan