Em 3 rêhevalên xwe yên ku şehîd bûne bi rêzdarî bibîr tînin

  • 11 Gulan 2018 | Şehîd

Dewleta Tirk a dagirker bi çeteyên girêdayê wê re di 20’ê Çile ya 2018’an de bi armanca dagirkirina Kantona Efrînê bi hewayî û bejahî de êrîşek dabû destpêkirin. Artêşa dagirker û çeteyên wê ku nekarîbûn di bejahî de pêşde biçin bi awayek dijwar teknîk bikar anîbû. 2 mehan bênavber di serî de balafirên şer, balafirên keşfê, bi tang û obûsan êrîş pêk anîbû. Şervanên YPG-YPJ rûxmê êrîşa teknîkî a dijwar heta dawî li berxwe dane. Di derbarê vê berxwedanê de rêhevala me Dêrîn Denîz ku di parastina navenda bajarê Efrînê de cîh digirt di 15’ê Adara 2017’an de di êrîşa balafirên şer a artêşa Tirk a li hemberî navenda bajarê Efrînê de gihiştiye şehadetê.

 

Di derbarê Pêngava Bagera Cizîrê a ku jiber êrîşên liser Efrînê de navber hatibû dayîn niha jî li hemberî çeteyên DAİŞ’ê operasyon berdewam dikin. Hêzên me yên YPG-YPJ ku dibin sîwana QSD’ê de di pêngavê de cîh digirin operasyona ku li hember çeteyên DAİŞ’ê tê lidarxistin bi awayekî aktîf tevlî dibin. Di 6’ê Gulanê de di operasyonek li hemberî çeteyên DAİŞ’ê de rêhevalê me Midhî El Hemadî dema şerê li hember çeteyan de bi awayek qehremanî şer kiriye û gihiştiye şehadetê.

 

Di heman demê de di 9’ê Gulanê de li Şedadê rêhevalê me Delîl Amûdê dema li ser erka xwe bû, gihiştiye şehadetê.

 

Em wekî hêzên YPG-YPJ di şexsê rêhevalên me Delîl, Dêrîn û Midhî de hemû şehîdên xwe yên qehreman bi rêzdarî bibîr tînin. Bi girêdana bîranînê wan re soza ku me daye şehîdên xwe û gelên xwe em dûbare dikin û emê heya vê sozê bi serkeftinê tacîdar bikin, têbikoşin. Em sersaxî ji malbata 3 rêhevalên xwe û gelê xwe re dixwazin.

 

Nasnameyên pakrewanan wiha ye:

 

 

Nasnav: Delîl Amudê

Nav û Paşnav: Delîl Ezîz

Navê Dayikê: Bedîa

Navê Bav: Ezîz

Cihê Ji Dayikbûnê: Amudê

Cih û Dîroka Şehadetê: Şedadê / 9 Gulan 2018

 

 

Nasnav: Dêrîn Deniz

Nav û Paşnav: Asya Mustafa

Navê Dayikê: Helîme

Navê Bav: Osman

Cihê Ji Dayikbûnê: Minbic

Cih û Dîroka Şehadetê: Efrîn / 15 Adar 2018

 

 

Nav û Paşnav: Midhî El Hemadî

Navê Dayikê: Ezawî

Navê Bav: Ferzende

Cihê Ji Dayikbûnê: Dêrezor

Cih û Dîroka Şehadetê: Dêrezor / 6 Gulan 2018

 

Navenda Ragihandina YPG | 11 Gulan 2018