Ji çapemenî û raya giştî re

Di dîroka 12 Hezîranê de, nexweşxaneyeke li bajarê Efrînê rastî êrîşekî hat û tê de hejmarek ji sivîlên bêguneh jiyana xwe ji dest dan. Weke hertim, serokê dewleta Tirk Erdogan rasterast û bi agahiyên derew hêzên me bi vê êrîşê tewanbar kir.

Hukûmetek wek hukûmeta Tirkiyê ku terorê li hundir û derve û bi taybet li Sûriyê pêk tîne nikare tu kesên din bi terorê tewanbar bike. Ew nikare weke parastvanên sivîlan xwe nîşan bide di demekî ku ew bi xwe terorê bi hemû rengê xwe li heremên dagirkirî pêk tîne û rasterast ji aliyê hukûmeta Erdogan pêk tê.

Yekîneyên Parsatina Gel vê êrîşê şermezar dike. Ti têkiliyê me pê re nîne, ji ber ku armanc girtina sivîlan ne ji perensîbên me ye û ne şêwazê tekoşîna me ye. Ev çend sal in ji bo rizgarkirina gelê xwe ji terora ku bi piştgirtiya Tirkiyê li Sûriyê belavbûye em şerê teror û dagirkeriyê dikin. Em dubare tekez dikin ku çawa me berê tekoşîn kiriye wê parastina sivîlan bimîne armanca me ya sereke di hemû şeran de.

Berdevkê Fermî ê Yekîneyên Parstina Gel YPG  -  Nûrî Mehmûd

14 Hezîran 2021