Em Êrîşa Li Dijî Gelê Suweyda Şermezar Dikin

  • 4 Tebax 2018 | Daxuyanî

Ji Çapemenî û Rayagiştî re!

 

Di êrîşa DAIŞê ya li dijî gelê Suwêyda ya 25’ê Tîrmehê de zêdetirî 250 kesan jiyana xwe ji dest dan, gelek kes brîndar bûn. Herwiha bi sedan kes ku piraniya wan jin in ji alî DAIŞ ve hatin revandin. Ev komkujiya ku êrîşên întîxarî yên li pey hev û gulebarana bêserûber pêk hat, ji alî me ve bi xemgîniyeke mezin hat dîtin.

 

Ev êrîş rûyê rast yê DAIŞ’ê careke din raxist holê û pêwîstiya tunekirina vê koma terorî bi awayekî vekirî derxist holê. DAIŞ hîn jî weke tehdîdeke li hember gelê Sûriyê û hemû Rojhilata Navîn hebûna xwe didomîne. Weke Yekîneyên Parastina Gel, hewldanên me yên domandina têkoşîna li hember DAIŞ wê ji her demê bêhtir bidome. Weke hêzên parastinê YPG-YPJ, şerê me wê li her dera ku terora DAIŞ’ê ketiye de wê bidome. Em biryardariya xwe ya parastina gelên Sûriyê ku gelê Durzî jî di nav de careke din diyar dikin û dibêjin ger pêwîstî hebe wê Yekîneyên Parastina Gel li her derê ji bo parastina gel amade be. Ev êrîş di nêrîna me de bi qasî êrîşeke li ser Cizîr û Kobanê giran û biêş e.

 

Em ji gelê Durzî re sersaxiyê dixwazin, kesên ku di vê komkujiyê de jiyana xwe ji dest dan bibîr tînin.

 

Fermandariya Giştî ya YPG | 4 Tebax 2018