Di encama çalakiyên me yên bersivdayinê de 4 leşkerên artêşa Tirk a dagirker û 9 çete hatin kuştin

  • Navenda Ragihandin û Çapemeniya YPG | 30’ê Cotmeha 2022 | Malper

Ji çapemenî û raya giştî re

Êrişên artêşa Tirk a dagirker li hember heremên me bi dijwarî berdewam dikin. Di gelek êrişan de gelê me tê hedef girtin, şehîd û birîndarên sivîl çêdibin. Herwiha di van êrişan de gelê me rastî zirarên madî tên. Artêşa  Tirk a dagirker di êrişên xwe de tu quralên şer nas nake. Li hember van êrişên hovane em di çarçoveya parastina rewa de, gelê xwe û destkeftiyên gelê xwe di bin her şert û mercan de diparêzin. 

Di vê çarçoveyê de li hember êrişên artêşa Tirk a dagirker di rojên 23 û 27’ê Cotmehê de, li heremên dagirkirî çalakiyên bersivdayinê hatin lidar xistin. Di encama van çalakiyan de 4 leşkerên artêşa Tirk a dagirker û 9 çete hatin kuştin. Di van çalakiyan de herwiha seyareyek, çekek A-4 û çekek bombeavêj hatin ruxandin.  

Li hember êrişên artêşa Tirk a dagirker çalakiyên me yên bersivdayinê wê berdewam bikin.

Navenda Ragihandin û Çapemeniya YPG | 30’ê Cotmeha 2022