Di derheqê êrişa ku li Kobanî hat lidar xistin de daxuyanî

  • Fermandariya Giştî ya YPG | 11 Gulan 2022 | Daxuyanî

Ji çapemenî û raya giştî re

Îro di seet 09:25 an de, li Kobanî ji aliyê dewleta Tirk a dagirker ve du êrişên bi balafirên bêmirov çê bûn. Her du êriş bi awayek hemwext hatin lidar xistin. Di wan êrişan de seyareyek li ser rêya Helebê û malek medeniyan li nêzî navenda Kobanî hatin hedef girtin. Di êrişa ku li navenda Kobanî li hember malek çêbû de welatparêzê me yê hêja Ekrem Üstek gihişt asta şehadetê.

Welatparêzê hêja, Şehîd Ekrem li sala 1969 an li Şirnexê hat dinyayê. Wekî welatparêzek birumet ji temenên xwe yên ciwan heta kêliya dawî ya jiyana xwe her tim ji bo azadiya gelê Kurdistanê kar û xebat da meşandin. Di vê têkoşîna xwe de gelek bedelên giran jî da û 13 salan li girtîgehên dewleta Tirkiyê de ma. Lê ji ber ti bedelê ku dayî paşve gav neavêt, her zor û zehmetiyê ku di tekoşîna azadiyê de derket pêşiya wî bi biryardariyek mezin derbas kir û ev zor û zehmetiyên ku derketin pêşiya wî kir bingehê bilindkirina têkoşînê. Di dema berxwedana Kobanî de bi ruhê seferberiyê bersiv da banga Serokatî û tevlî berxwedana Kobanî bû. Dema ku şer gihîştibû bajêr, Şehîd Ekrem yek ji wan kesan bû ku sînoran qetand û xwe gihand qada şer; li kêleka şervanên azadîyê cîh girt. Piştê berxwedana dîrokî ya Kobanî jî li Rojavayê Kurdistanê di kar û xebatên şoreşê de bi awayek çalak cîh girt û kêlî bi kêlî di avakirina şoreşê de bi coş û kelecanek mezin xebat da meşandin.

Dewleta Tirk a dagirker hewl dide ku fetisandina xwe yê hundirîn, bi şer ve binixumîne. Ji ber vê yekê her roj êrişên xwe yên dijmirovahî zêdetir dike û di wan êrişan de ti qural anjî hiquqê şer nas nake. Di wan êrişên ku gelek caran medeniyan dike hedef de, bi awayek aşkere derdikeve holê ku dewleta Tirk dijminê hemû gelên heremê ye. Wekî ku di êrişa dawî de jî derket hole, êrişên xwe aniye astek ku di navenda bajar de mala medeniyan dike hedef. Ev rastî jî bi awayek zelal nîşan dide ku dewleta Tirk a dagirker li hember têkoşîna gelê herêmê bin ketiye û ji derveyî êrişên dijmirovî tiştek din ku bike nemaye. Em wan êrişên hovane ku tê de gelek caran mirovên medenî tên hedef digirin bi awayek tund şermezar dikin û bang li hemû gelên me û raya giştî ya cîhanê dikin ku li hember ev êrişên dijmirovî bêhelwest nemînin.

Em wekî Fermandariya Giştî ya YPG, di serî de ji malbatê hêja ya şehîdê xwe re û ji hemû gelê xwe re sersaxiyê dixwazin û bi vê mebestê ve soza serkeftinê ku me daye şehîdên xwe dubare dikin.

Fermandariya Giştî ya YPG | 11 Gulan 2022

 

Em 10 salîya Şoreşa Rojava ji mirovahîyê re pîroz dikin

Fermandarîya Giştî a YPG | 19ê Tîrmehê 2022

Em hevrêyê xwe Cûdî Amanos bi rêzdarî bibîr tînin

Navenda Ragihandin û Çapemenîya YPG | 14ê Tîrmehê 2022’an

Em rêhevalê xwe Rûbar Erzîncan birêzdarî bibîr tînin

Navenda Ragihandin û Çapemeniya YPG | 02 Tîrmeh 2022

Di derheqê êrişa ku li Kobanî hat lidar xistin de daxuyanî

Fermandariya Giştî ya YPG | 11 Gulan 2022

Em hevrêyê xwe Fedakar Heleb bi hurmet bibîr tînin

Navenda Ragihandina YPG | 7ê Gulana 2022an

Daxuyanî ji bo îddîayên PDK

Berdevkê YPG | 28 Nîsan 2022

Em rêhevalê xwe Brusk Botan bi rêzdarî bibîr tînin

Navenda Ragihandin û Çapemeniya YPG | 06 Çile 2022