Mon January 21, 2019
Di Êrîşên Artêşa Tirk Li Eyndîwer Şervanekî YPG Şehîd Bû
- 7 Îlon 2016 | Nûçe
Ji Çapemenî û Rayagiştî re:
1. Êrîşên Arteşa Tirk a ku li dijî xaka Federasyona Rojava/Bakurê Sûrî lidardixin berdewam dike.
Di çarçoveya van êrîşan de Arteşa Tirk 6ê Îlonê di saetên şevê de bi çekên giran êrîş birin li ser gundê Koran, Kaniya Kurdan û Çariqlî yên dikeve rojhilatê Kobanê û gundê Korelî ya dikeve rojavayê Kobanê.
Heman şevê saet 22.00’an de jî Arteşa Tirk bi çekên giran êrîş bir li ser maşînekî yekîneyên me ya nêzî gundê Eyndiwer a giredayî Dêrîkê. Di encama vê êrîşê de 2 hevalên me birîndar bûn. Yek ji van hevalên me yê birîndar rixmê hemû hewldanan jî nehat rizgarkirin û gihişt şehadete.
2. Şeva 6ê Îlonê çeteyên DAIŞê xwestin êrîşî gundê Til Osman a dikeve rojhilatê başûr a bendava Tişrîn a giredayî Kobanê bikin. Piştî destwerdana hêzên me komê çeteyan neçar man ji qadê birevin.
3. Şeva 6ê Îlonê 2 kesên bi guman ku ji ser pira Cerablûsê dixwastin tekevin qadên me ji aliyê hêzên me ve hatin girtin. Lêpirsîna van kesan hîn jî didomin.
Navenda Ragihandina YPG
7 Îlon 2016
