Daxuyaniya YPJ Derbarê Piştevanî Ji Operasyona “Tolhildana Jinên Êzidî” re

  • 13 Mijdar 2016 | Daxuyanî

Ji Çapemenî û Rayagiştî re:
 
Em hemleya “Tolhildana Jinên Êzidî” ya ku bi armanca rizgarkirina jinên Êzidî di 12ê Mijdarê ji aliyê Yekîneyên Jinên Şengalê (YJŞ) ve hatiyê destpêkirin silav dikin.
 
Ev hemle ji bo me YPJ jî xwedî wateyek pirr mezin e. Ji ber ku hîn jî bi hezaran jinên Êzidî di destê terorîstên DAIŞê de esîr in û her roj işkencê dibînin.
 
Bi taybet di demekî ku em jî ji bo rizgarkirina jinên herêma Reqa pêngavek didin meşandin, destpêkirina hemlekî bi vê awayî xwedî nirxe û nîşan dide ku jinên Kurd di yek xet û armanc de dimeşin.
 
Di Tebaxa 2014'an de pêwîstiyek dîrokî bû ku em herin Şengalê û ji xwişk û hevalên xwe yên Êzidî re alîkar bin. A niha jî em amadene carek din herin alîkariya YJŞ û bi hevdu re têbikoşin.
 
Berdevka Fermî ya Yekîneyên Parastina Jin (YPJ) Nesrîn Ebdullah
13 Mijdar 2016