Daxuyanîya Fermandariya Giştî ya YPG Derbarê Hevpeymana Di Navbera Amerîka û Rûsya

  • 12 Îlon 2016 | Daxuyanî

Ji Çapemenî û Raya Giştî re:
 
Em weke Yekîneyên Parastina Gel YPG'ê hevpeymana di navbera Dewletên Yekbûyî yên Amerîka û Rûsya gaveke erênî dibînin û tekez dikin ku di çarçoveya vê agirbestê de tevbigerin. Em hêvî dikin ku bi vê hevpeymanê re em bi hev re li hemberî terora DAIŞ'ê şerbikin û li gorî biryara Meclisa Ewlekariyê ya Navnetewî 2254 derfetên ku pêvajoya veguhestina siyasî destpêbike. Di vê pêvajoyê de dê Sûriyeke nû were avakirin û li gorî zagonên navnetewî mafên hemû pêkhateyên Sûriyeyê were parastin.
 
Ji bo pêvajoya agirbestê dayîmî be divê hemû aliyên siyasî û di serî de Rêveberiya Xweseriya Demokratîk weke aliyê sereke û hemû aliyên siyasî yên dîtir ciyê xwe di vê pêvajoya veguhestina siyasî de bigirin.
 
Weke Yekîneyên Parastina Gel emê li hemberî terora DAIŞ`ê têkoşîna xwe bidomînin. Hemû pêkhateyên herêmên ku hatine rizgarkirin û herêmên ku werin rizgarkirin biparêzin. Parastina pêkhateyên herêmê wê aramiyê li herêmê avabike û dagirkeriya Tirkiyê ya xaka Sûriyeyê bidawî bike.
 
Fermandariya Giştî ya Yekîneyên Parastina Gel (YPG)
12 Îlon 2016