Ji çapemenî û raya giştî re

Dewleta Tirk a dagirker û komên çete, li Efrînê, her roj êriş û qirkirinek din li ser pêkanînên xwe yên derveyî mirovahiyê zêdetir dikin. Dagirker hem demografyaya herêmê diguherînin, hem xwezaya herêmê qetl dikin, hem jî her roj qirkirinek nû pêk tînin. Komên çete ku di nav vê dagirkeriyê de cihê xwe digirin, her roj bi hev re di nav pêvçûnan de ne, li gel vê jî li ser gelê herêmê her cure zext û zordariyê ferz dikin. Kesên ku li hember dagirkeriyê stû netewînin tên kuştin. Dewleta dagirker û komên çete dixwazin ev qirkirin û êrişên ku bi xwe çê dikin, wekî ku hêzên me wan tiştana pêk anîne bidin nîşandan. Li roja 5ê Îlonê, li Efrînê teqînek rû da. Ev teqîn ji aliyê Wezareta Berevaniyê ya dewleta Tirkiye ve, wekî ku ji aliyê hêzên me ve hatiye kirin, hat nîşandan. Ev îdîayê dewleta Tirk a dagirker ne rast e. Armanca nûçe û daxuyaniyên bi vê awayî, şerê psîkolojîk e. Pêwîst e gelê me û raya giştî ya cîhanê bi daxuyaniyên dewleta dagirker bawer nekin.

Navenda Ragihandin û Çapemeniya YPG | 07 Îlon 2021