Ji çapemenî û raya giştî re

Li roja Yekşemê, bajarê Stembol bû şahidê bûyera teqîneke terorîstî li cadeya Îstîklalê û di encam de welatiyên sivîl bûn qurbanî. Di heman demê de û bi awayekî lez partiyên AKP`ê û MHP`ê hêzên me sûcdar kirin û senaryoyeke nerealîst hûnandin da ku îdîayên xwe yên derewîn îspat bikin.

Em temamî red dikin wan îdîayan derewîn û ti pêwendî û têkiliyên me bi berpirsê êrişa terorîstî  ya bi navê Ehlam El-Beşîr re tune ye.

Hemû cîhan dizane ku rêbaza hêzên me  têkoşîn û parastina mafên gel û şerê li dijî terorê ye û her operasyonên ku sivîlan dikin hedef şermezar dike.

Hêzên me di çarçoveya demokrasî, mafên jinan û mirovan, têkoşîna li dijî teror û dîktatoriyê dixebitin.

Daxuyanî îdîa dike ku berpirsê êrîşê Ehlam El-Beşîr ji herêma Efrînê ye ku ji sala 2018`an ve hatiye dagirkirin û ji wê demê ve bi temamî ketiye bin bandora îstixbarata Partiya AKP`ê, partiya MHP`ê û Heyet Tehrîr El-Şam (El-Qaîde) ber bi xaka Tirkiyê ve ji bo pêkanîna êrîşê; Piştrast dike ku ev lîstik ji aliyê hikûmeta AKP û Erdogan ve hatiye amadekirin û qeyrana ku hikûmeta Erdogan jiyan dike, bi taybetî ji ber nêzîkbûna hilbijartinên sala bê

Erdogan beriya ku biçe Endonezyayê ji bo beşdarî lûtkeya G20 bibe, hewl dide ku hincetekê bibîne da ku cîhanê razî bike û erêkirina navdewletî ji bo destpêkirina êrîşa li ser Rojava û bakurê rojhilatê Sûriyê werbigire, ev pêvajo dê di dema pêş de ji bo wî bibe karta jiyanê di hilbijartinan de.

Di demekê de ku jin di nava hêzên me de destkeftiyên lehengiyê di şerê li dijî terora DAIŞ’ê de pêk tînin û di bin bandora wê de bi dirûşma " Jin, Jiyan, Azadî" di şoreşa jinan a Îran, Afganîstan û cîhanê de jî bi awayekî zelal xuya dibe. Ev yek ji bo hikûmeta Erdogan û AKP`ê bû xemeke eşkere û li ser azadiya gelan û aramiya Rojhilata Navîn, bi îftîra, derew û lîstikan ketin pey rizgarkirina berjewendiyên xwe yên şexsî.

Lê em gelê xwe û cîhanê piştrast dikin ku em pabendê nirxên gel û şoreşa xwe ne û em ê her dem li dijî dîktatorî û terorê têbikoşin.

Berdevkê Fermî yê Yekîneyên Parastina Gel

     Nûrî Mehmûd      

14 Mijdar 2022