Balafirek bê mirov ya artêşa Tirk a dagirker ji alî hêzên me ve hate xistin

  • 10 Çile 2019 | Daxuyanî

 

 

Di rojên yekemîn ya sala 2019’an de, balafirek bê mirov ya artêşa Tirk a dagirker, dema li ser bajarê Dêrikê yê ser bi herêma Cizîrê bi armanca keşfê digeriya, ji alî hêzên me ve hate hedef girtin û hate xistin.

 

Dewleta Tirk a dagirker ya ku li hember Rojavayê Kurdistan û Bakûrê Sûriyê hîn jî di nav armanca dagirkeriyê de ye, hewldanên xwe yên binpêkirina sînor didomîne. Her cûre amûr û alavên ku bê destûr bikevin herêmên di bin serweriya hêzên me de wê di çarçoveya parastina rewa de werin bê bandorkirin, binpêkirinên bi her awayî yên li ser sînorên me wê li ser esasê rêgezên angajman bersiva xwe bibînin.

 

Ji bo agahdariya raya giştî.

 

Navenda Ragihandin û Çapemeniya YPG | 10 Çile 2019