Şervanên YPG yên Efrînê: “Em amade ne!”

  • 17 Mijdar 2017 | Nûçe

 

Artêşa Tirk a dagirker û çeteyên girêdayî wê, êrîşên xwe yên li ser Efrîn û gundewarên wê zêdetir kirin.

 

Di demên dawî de artêşa Tirka dagirker, di çarçoveya peyman û plansaziyên kûr û qirêj de hêzên xwe yên li ser sînorê Efrînê zêdetir dike. Dewleta Tirk di nav hewldanên dagirkirina xaka Efrînê de ye û bi vê armancê her ku diçe destdirêjiyên xwe zêdetir dike.

 

Herî dawî li ser sînorê Efrînê, li xala ku dikeve hember navçeya Raco artêşa Tirk sengerên xwe yên çekên giran ava kir xwe tê de bicîh kir. Li ser rewşê û êrîşa li ser çeperên şervanan, roja çûyî bersiveke tund bi heman awayî hat dayîn. Herwiha şervanan diyar kirin ku “Artêşa Tirk ne bi leşkerên xwe, bi çeteyên xwe dixwaze bi me re şer bike. Lê biser nakeve.”

 

Şervanan biryardariya xwe ya ji bo parastina axa xwe anîn ziman û gotin: “Ne dewleta Tirk, 100 dewletên din jî werin nikarin bihustek ji Efrînê dagir bikin! Kesên ku dixwazin bi şerê psîkolojîk gelê me bitirsînin divê vê rastiyê baş fêm bikin.”

 

 

Navenda Ragihandina YPG | 17 Mijdar 2017